Өмнөговь аймгийн хэмжээнд иргэдийн амьдрах ая тухтай орчин бүрдүүлэх чиглэлээр сум бүрт 2,5 тэрбум төгрөгийн бүтээн байгуулалтын ажлууд хийгдэж байна. Даланзадгад сумын хэмжээнд хуучин орон сууцны гадна фасад, автомашины зогсоол, хүүхдийн тоглоом, амралт чөлөөт цагийг өнгөрүүлэх орчин бүрдүүлсэн бол гэр хорооллын гудамжнуудыг гэрэлтүүлэгтэй болгох, хороолол дундах авто зам, явган хүний замын ажлууд үе шаттайгаар хийгдэж байна. Сүүлийн жилүүдэд Даланзадгад сумын хүн амын төвлөрөл ихээр нэмэгдэж шинэ хороололууд бий болсон юм.
Түүний нэг Гурвансайхан хороолол юм. Орон нутгийн төсвийн хөрөнгөөр Гурвансайхан хороолол дунд хатуу хучилтай зам, гудамжны гэрэлтүүлгийг ажлууд хийгдсэн бол тус хороолол 0,4 кв ын цахилгаан шугмын ажлыг эхлүүлээд байна. Уг ажлыг орон нутгийн төсвийн хөрөнгөөр Ихэр баян говь ХХК гүйцэтгэж байгаа бөгөөд 10 сарын 20 нд бүрэн дуусгахаар төлөвлөжээ. Ингэснээр Гурвансайхан сайхан хорооллын 600 гаруй, 1000 айл өрх цахилгаан эрчим хүчээр хангагдах юм.