Өмнөговь аймгийн Засаг даргын мөрийн хөтөлбөрийн хэрэгжилтийн хүрээнд "Баянзагийн соёлын өвийн менежментийн төлөвлөгөө"-г боловсруулан батлуулан хэрэгжүүлж эхлээд байна. Энэхүү төлөвлөгөөний дагуу Булган сумын Баянзагт орон нутгийн төсвийн 485 сая төгрөгийн хөрөнгө оруулалтаар “Баянзаг ” мэдээллийн төвийн баригдаж байна. Энэхүү төв кино, үзвэрийн болон сургалтын танхим, байгаль орчны сургалт сурталчилгаа явуулах, нутгийн гар урчуудын бараа бүтээгдэхүүний борлуулах зэрэг жуулчдад цогц үйлчилгээг үзүүлэх боломжтой болж байгаа ажээ. Энэхүү байгууламжийг Булган сумын иргэдийн оролцоотой "Баянзаг-Улалзах цонж" төрийн бус байгууллага хариуцан ажиллах юм.
Баян загийн тухайд гэвэл, Өмнөговь аймгийн нутагт Арц богд уулсын дагуух уудам хөндийд орших шаварлаг хурдас бүхий газар юм. Заг мод их ургадаг учраас Баянзаг гэж нэрлэгдсэн. Урдаас хойшоо чиглэлтэй сунаж тогтсон, өргөн нь 5 км, урт нь 8 км орчим үргэлжлэх бөгөөд цонжуудын өндөр 20-50 м хүртэл байдаг. Баянзагийн хөрс нь улаан шаварлаг бөгөөд говийн оройн наранд асаж буй улаан гал шиг харагддаг учраас “асаж буй толгод” гэж нэрлэх нь бий. Энэ нэрийг 1920-иод онд Баянзагт ирж судалгаа хийсэн Америкийн эрдэмтэд өгсөн гэдэг бөдөөг тэр Тэрхүү судалгааны үеэр 60-80 сая жилийн өмнөх үлэг гүрвэлийн чулуужсан олдворын шинэ шинэ нээлтүүдийг хийсэн учраас палеонтологийн салбарт дэлхийд алдартай газар болж хувирсан юм. Өөрөөр хэлбэл дэлхийд Монголын говийг алдаршуулсан газар юм.
