Аймгийн Засаг даргын үйл ажиллагааны “Нутгийн хишиг” хөтөлбөрийн хүрээнд “Газар тариалан эрхлэгчдийн үйл ажиллагааг дэмжих, тэдний мэдлэг, ур чадварыг нэмэгдүүлэх зорилгоор” аймгийн Хүнс, хөдөө аж ахуйн газар, Инноваци технологийн төв хамтран 7 сарын 4 ний өдөр 14 сумын 242 ногоочинд “Төмс, хүнсний ногоо, модны” чиглэлээр "Бордооны зохистой хэрэглээ", "Талбайг бэлтгэх, үр, сортыг сонгох, үр ариутгах, үрслэг болон модны суулгацыг шилжүүлэн суулгах", "Таналт тайралт, усалгаа", "Хамгаалалтын ойн зурвасыг байгуулах”, “Ургамлын өвчин, хортон, хог ургамалтай биологийн аргаар тэмцэх”, говийн усны нөөц багатай бүс нутагт “Хамгаалалттай хөрсний тариаланг түлхүү хөгжүүлэх”, “Усыг хэмнэлттэй зарцуулах технологиудыг нэвтрүүлэх” чиглэлээр онол арга зүй, дадлага хосолсон сургалтыг зохион байгууллаа. “
Нутгийн хишиг” хөтөлбөрийн хүрээнд ухдаг биш ургуулдаг уурхайгаа түлхүү хөгжүүлэх бодлого баримтлан иргэдэд хөнгөлөлттэй үнээр олгож, гадаргын усыг хуримтлуулан газар тариаланд ашиглах зорилгоор сумдад хөв цөөрөм байгуулж, Булган суманд хүлэмжийн цогцолбор аж ахуй, өвлийн хүлэмжийг байгуулан ажиллаж байна.
