.Аймгийн ИТХ-аас цагдаагийн байгууллагын үйл ажиллагаанд олон нийтийн хяналт тавих үүрэг бүхий иргэний зөвлөлийн гишүүдийг шинэчлэн 3 жилийн хугацаатайгаар томилсон бөгөөд тус зөвлөлийн даргаар Л.Цэцэг-Өлзий, нарийн бичгийн даргаар төр захиргааны ахмад ажилтан Б.Зандраа, зөвлөлийн гишүүдээр Д.Мядагсүрэн, Х.Байгалмаа, Б.Батхуяг нар томилогдон ажиллаж байна. Иргэний зөвлөлийн бүрэлдэхүүн ээлжит 2 дугаар хуралдаанаар 2023 онд хийж хэрэгжүүлэх 3 бүлэг, 14 зүйл, заалт бүхий төлөвлөгөөг батлан хэрэгжүүлж эхлээд байна. Энэхүү төлөвлөгөөний дагуу 2023 оны 2-р улиралд Өмнөговь аймгийн Цагдаагийн газар болон Цогтцэций, Ханбогд сумын Цагдаагийн хэлтэс, Цагаан хад дахь Цагдаагийн тасгийн үйл ажиллагаатай танилцаж, зөвлөмж, чиглэл өгч ажиллажээ. Иргэний зөвлөлийн гишүүн Б.Батхуягаар ахлуулсан ажлын хэсэг иргэдээс хамгийн их гомдол, санал ирдэг Цагдаагийн газрын Замын цагдаагийн тасгийн 2022 оны тайлан, 2023 оны төлөвлөгөөтэй танилцаж, бодлогын хэрэгжилтэд хяналт тавин ажилласан бөгөөд 8 дугаар сард иргэдийн дунд Замын цагдаагийн тасагтай холбоотой санал асуулга авахаар төлөвлөжээ. Цаашид тухайн санал асуулгын үр дүнг үндэслэн, 2023 оныхоо төлөвлөгөөний дагуу иргэд, олон нийттэй хамтран Цагдаагийн газрын үйл ажиллагаанд дэмжлэг үзүүлж, хяналт тавин ажиллах юм
