Даланзадгад хот Бүгд Найрамдах Беларусь улсын Жодина хоттой байгуулсан "Харилцан ойлголцлын санамж бичиг"-ийн хүрээнд Даланзадгад хотын залуучуудыг тус хотын "Техникийн коллеж"-д оюутнуудыг "Юнайтед Мерес Машинери" ХХК-ний тэтгэлэгт хамруулан суралцуулдаг билээ. Даланзадгад хотын Засаг дарга бөгөөд хотын захирагч Х.Батболд Бүгд Найрамдах Беларусь улсаас Монгол улсад суугаа өргөмжит консул Леонид Яковлевичтэй хийсэн уулзалтын үр дүнд 2023 оны хичээлийн жилд тус коллежийн шилдэг оюутнууд болсон Э.Баатар, О.Алтан-Од, 5 Б.Төгөлдөр, Т.Дүүрэнбаяр нар Минск хотын Техникийн их сургуульд "Юнайтед Мерес Машинери" ХХК-ний тэтгэлэгт хамрагдан шилжин суралцуулахаар болжээ.
Хамтын ажиллагааны хүрээнд Даланзадгад хотын залуучуудыг жил бүр Бүгд Найрамдах Беларусь улсын Жодина хотын "Техникийн коллеж" болон Минск хотын Техникийн их сургуульд суралцах боломж олгож, тэтгэлэгт хамруулан хамтран ажилладаг Бүгд Найрамдах Беларусь улсаас Монгол улсад суугаа өргөмжит консул Леонид Яковлевич болон "Юнайтед Мерес Машинери" ХХК-ний хамт олонд Даланзадгад сумын Засаг дарга Х.Батболд талархал илэрхийллээ.
