НИЙГМИЙН ХӨГЖЛИЙН ЧИГЛЭЛЭЭР
1.Ахмад настан, хөгжлийн бэрхшээлтэй иргэн, хүүхдийг асарч буй асран хамгаалагчдын эрхийг хангах тэдний амьдралын чанарыг сайжруулж, нийгмийн амьдралд оролцох тэгш боломж, идэвх оролцоог нэмэгдүүлэх “Орон нутгаас асран хамгаалагчдын талаар баримтлах бодлого”-ын баримт бичгийг батлан гаргалаа.
5.Нутгийн дэмийг нэмэгдүүлж, хамрагдах төсвийн байгууллагыг нэмэгдүүллээ.
7.Аймаг орон нутгийн цус, цусан бүтээгдэхүүний бэлэн байдлыг хангах үйл ажиллагаанд сайн дурын авлагагүй донорын эгнээг өргөжүүлэх, донор сурталчилгааны ажлыг эрчимжүүлэх, бусдын эрүүл мэндийг хамгаалах, амь насыг нь аврах зорилгоор сайн дураараа авлагагүйгээр цусаа бэлгэлдэг доноруудыг урамшуулан алдаршуулах “Цусны донорыг урамшуулах, донорын үйл ажиллагаанд дэмжлэг үзүүлэх журам”-ыг баталлаа.
4.Өмнөговь аймгийн үе үеийн алдартнуудын залгамж халааг тасралтгүй бэлтгэх, урлагийн бүх төрлийг бэхжүүлэх, хүүхдэд зориулсан уран бүтээлийн тоог нэмэгдүүлэх, хүүхэд өсвөр үеийнхний авьяас чадварыг хөгжүүлэх, чөлөөт цагийг үр дүнтэй өнгөрүүлэх орчин нөхцөлийг бүрдүүлэх зорилгоор хүүхдийн “Ботгохон театр”-ыг байгуулахыг дэмжлээ.
3.Хүүхдийн эрх хамгааллыг сайжруулах, хөгжил, оролцоог нэмэгдүүлэх, эрсдэлээс урьдчилан сэргийлэх, хүүхдийн өмнө үүрэг хүлээгчдийг хариуцлагажуулах замаар хүүхэд хамгааллын тогтолцоог бэхжүүлж, хүүхдэд ээлтэй орчныг бүрдүүлэх зорилгоор 2024 оныг “Хүүхдийн хөгжил, хамгааллын жил” болгон зарласан.
2.Математикийн багш нарын сургалтын хөтөлбөрийг хэрэгжүүлэх онолын мэдлэг, заах арга зүйн ур чадварыг ахиулах, суралцагчдын мэдлэг, чадварыг хүүхэд нэг бүрийн түвшинд ахиулах, сургалтын орчин, хэрэглэгдэхүүнийг сайжруулан төрөлжсөн болон гүнзгийрүүлсэн хөтөлбөрөөр хөгжих боломжийг бүрдүүлэх “Математик боловсролын хөгжил” хөтөлбөрийг баталлаа.
6.Тухайн онд улс, олон улс, тив, дэлхийн чанартай тэмцээн уралдаанд амжилт гарган соёл, спортын салбартаа тэргүүлж, эрхэлсэн ажил үүргээ амжилттай биелүүлж, өмнөө тавьсан зорилгодоо хүрч, соёл, спортын салбарыг хөгжүүлэхэд бодитой хувь нэмэр оруулсан уран бүтээлчид, тамирчдын амжилтыг үнэлж, шагнаж урамшуулах, алдаршуулах үүднээс “Өмнөговь аймгийн соёл, урлаг, спортын чиглэлээр улс, олон улс, тив, дэлхийн чанартай тэмцээн уралдаанд амжилт гаргасан уран бүтээлч, тамирчинд шагнал олгох журам”-ыг баталлаа
8.Өмнөговь аймгийн хөгжлийн хөтөлбөрийг үндэслэн нийгэм, эдийн засаг, шинжлэх ухаан, технологи, инновацийг хөгжүүлэх бодлого, орон нутгийн захиалгат төслийг дэвшүүлэх, захиалах, гүйцэтгэлийн явцад хяналт тавих, үр дунг хүлээж авах, үнэлэх, үйлдвэрлэл, үйлчилгээнд нэвтрүүлэх, инновацийн төсөл, хөтөлбөр боловсруулж, хэрэгжүүлэх, шинжлэх ухааны шинэ мэдлэг, инноваци, технологийн ололтыг сурталчлах, түгээн дэлгэрүүлэхэд зөвлөн туслах ажлыг зохион байгуулах “Өмнөговь аймгийн Шинжлэх ухаан, инноваци, технологийн салбар зөвлөлийн дүрэм”-ийг баталсан.
9. Өмнөговь аймгийн сумын хамгаалалтад байх түүх, соёлын үл хөдлөх дурсгалын жагсаалтыг батлан гаргалаа.
БАЙГАЛЬ ОРЧНЫ ЧИГЛЭЛЭЭР
1.Гурвантэс сумын нутагт байрлах улсын тусгай хамгаалалттай газар Тост, тосон бумбын нурууны байгалийн нөөц газрын ангиллыг өөрчилж, Байгалийн цогцолборт газар болгох саналыг уламжиллаа.
2.Ханхонгор сумын Хан-Уул, Нарийн хярын хэц орчмын 111.012 га талбайг аймаг дундын бэлчээрийн зориулалтаар 30 жилийн хугацаатай орон нутгийн тусгай хэрэгцээнд авсан.
3.Алтан уул орчмын газрыг аймаг дундын отрын бэлчээрийн зориулалтаар 30 жилийн хугацаатай орон нутгийн тусгай хэрэгцээнд авсан.
4.Сэврэй сумын Сайншанд баг-Гялааны тал -30 жилийн хугацаатай орон нутгийн тусгай хэрэгцээнд авсан.
5.Өмнөд говийн усны судалгаа, шинжилгээний төвийн техник эдийн засгийн үндэслэлд тулгуурлан аймгийн Байгаль орчин, аялал жуулчлалын газрын бүтцэд “Усны нөөц, ашиглалт, хяналт, шинжилгээний нэгж” байгуулж ажиллахыг чиглэл болголоо.
ХӨГЖЛИЙН ХӨТӨЛБӨР
1.Өмнөговь аймгийн урт хугацааны хөгжлийн бодлогын баримт бичиг “Өмнөговь аймгийн хөгжлийн хөтөлбөр-2030”-ийг баталсан.
2.Гурвантэс сумын хөгжлийн ерөнхий төлөвлөгөө
3.Өмнөговь аймгийн худалдааны төв захын үйлдвэрлэгч, нийтийн ахуй үйлчилгээ эрхлэгч, малчдыг бүтээгдэхүүнээ борлуулах, үйлчилгээг явуулах ажлыг зохион байгуулалтаар хангах үүднээс “Худалдааны төв зах“ орон нутгийн өмчит аж ахуйн тооцоотой үйлдвэрийн газар байгууллаа.
4.Даланзадгад сумын 3 дугаар багийн нутаг дэвсгэрт байршилтай ашиглалтын шаардлага хангахгүй 5 дугаар орон сууцыг буулган, дахин төлөвлөн барих шийдвэрлэлээ.
9.Өмнөговь аймгийн 2024 орон нутгийн төсвийг 1,446,156,965.6 төгрөгөөр баталж, улсын төсөвт 719,881,373.2 төгрөгийг төвлөрүүлнэ.
