“И-Монгол академи” УТҮГ-аас Даланзадгад сумын ЗДТГ-тай хамтран “Ухаалаг утасны хэрэглээ, E-Mongolia апп, хөтөч ашиглалт” сэдэвт сургалтыг зохион байгуулав. Сургалтыг “И-Монгол академи” УТҮГ-ын Цахим ур чадварын газрын сургагч багш Б.Доржжагдаг, Салбар дундын зохицуулалтын газрын дарга Х.Энхманлай нар удирдан зохион байгуулсан бөгөөд ухаалаг утасны тохиргоо, хэрэгцээт гар утасны аппликэйшн, интернэт хэрэглээ, E-Mongolia аппликэйшн ашиглалт, E-Mongolia 3.0 нэмэлт үйлчилгээ зэрэг агуулгыг багтаасан юм
ЦХХХЯ-ны зүгээс банк санхүү, Үүрэн холбоо зэрэг үйлчилгээний байгууллагуудтай хамтран ажиллаж E-Mongolia аппликейшн дээрх цахим баримт бичгүүдийг цаасан баримт бичигтэй адил хүчин төгөлдөр ашиглах талаар харилцан тохиролцсон тул иргэдийг үйлчилгээний байгууллагуудаар үйлчлүүлэхдээ цахим баримт бичгээ үзүүлж хэвшихийг уриалж байлаа.
Цаашил төрийн цахим үйлчилгээ авахтай холбоотой хүндрэл бэрхшээл тулгарвал Өмнөговь аймаг дахь Төрийн цахим үйлчилгээний хэлтсийн Хурдан цэгүүдэд хандан тусламж дэмжлэг авах, цахим ур чадварын сургалтад хамрагдах бүрэн боломжтой юм.
