Австрали улсад далайн орнуудын мастеруудын хөнгөн атлетикийн аварга шалгаруулах тэмцээн 8 сарын 31 нээс эхлэн амжилттай үргэлжилж байгаа бөгөөд Монгол улсаас 3 тамирчин оролцож байна.
Монгол улсаас төлөөлж оролцож буй тамирчдын нэг дэлхийн аварга Ц.Раднаа хөнгөн атлетикийн 5 төрөлд оролцохоос өнөөдрийн байдлаар гурван төрөлд амжилттай оролцож дээд амжилтыг шинэчлэн тогтоогоод байна. Тэрээр гурвын харайлтанд 6 м 40 см харайж, 60 метрийн гүйлтэнд 10,33 секунд гүйж, саадтай 80 метрийн гүйлтэнд 20,18 секунд гүйж түүхэн амжилтын үзүүллээ.
Дашрамд дурдахад 2018 онд болсон тэмцээний гурвын харайлтанд Шинэ Зиландын тамирчин Жон Жонсон 5.34 харайж, 2012 онд 60 метрийн зайд Австралийн Маурисе Дауфинед 11.12 секунд, 2004 онд Австралийн Макс Макэй саадтай 80 метрийн зайд 24.00 секунд харайж амжилтыг тогтоож байжээ. Энэхүү тэмцээний 80м метрийн саадтай гүйлтийн төрөлд 15 жил хадгалагдсан рекордыг Монголын тамирчин , дэлхийн аварга Ц.Раднаа энэ удаа эвдэж түүхэн амжилтын эзэн болж чадлаа.
Ахмад тамирчин Ц.Раднаа сарын 5,7 ны өдрүүдэд 200 м, 400 метрийн зайд уралдах ажээ. Түүний энэ удаагийн тэмцээнд оролцох зардлыг Өмнөговь аймгийн тамгын газраас олгож ивээн тэтгэсэн байна.