Мэргэжлийн хяналтын ерөнхий газрын 01/54 тоот удирдамжийн дагуу Өмнөговь аймгийн МХГ-аас хичээлийн шинэ жилийн бэлтгэл ажил, элсэлтийн үйл ажиллагаанд урьдчилан сэргийлэх хяналтыг 2 үе шаттай хийж байна. Эхний үе шатаар Даланзадгад сумын 6 сургууль, 10 цэцэрлэгийн хичээлийн шинэ жилийн бэлтгэл ажил, боловсон хүчин, засвар үйлчилгээ, хүүхдийн сурч боловсрох, аюулгүй орчин бүрдүүлсэн байдалд хяналт хийв. Даланзадгад сумын боловсролын байгууллагад хийсэн шалгалтаар мэргэжлийн багшлах боловсон хүчний хангалт ЕБС-д 90.4%, цэцэрлэгт 85.8% байгаа бөгөөд 60%-д нь эрхлэгч, эмч, бусад ажилтан дутагдалтайтайгаар , ЕБС-ийн 1-5 дугаар ангийн сурах бичгийн хангалт хангалттай хэмжээнд байгаа бол дунд, ахлах ангийн сурагчийн сурах бичгийн хангалт 40%-тай, түрээсийн сурах бичиг ирээгүй сургалтын үйл ажиллагаа эхэлжээ. Шалгалтаар нийт 36 зөрчил дутагдал илрүүлж 21 зөрчлийг газар дээр нь арилгуулан, бусад зөрчил дутагдлыг арилгуулахаар үүрэг даалгавар өгч ажиллав. Урьдчилан сэргийлэх хяналт шалгалтын 2 дугаар үе шат буюу хоол үйлдвэрлэл, үйлчилгээ, хүнсний бүтээгдэхүүн нийлүүлэгч ААН, байгууллагад хяналт шалгалт үргэлжлэн хийгдэж байна.