Гэр хорооллын нүхэн жорлон нь гүний усыг бохирдуулж, хорт хавдраар өвчлөх үндэс болж байна. “Жорлонгоо өөрчилье” төслийн хүрээнд өнгөрсөн жилээс иргэдэд нүхэн жорлонгийн хор уршиг, хүний эрүүл мэндэд нөлөөлж буй байдал, нүхэн жорлонг хэрхэн өөрчлөх талаар сургалт, нөлөөллийн ажлууд хийсэн төдийгүй тухайн бүс нутагт тохирсон эко жорлон хийх аргачлалын талаар иргэн, аж ахуйн нэгжүүдэд зөвлөн туслаж ажилласан юм. Үүний үр дүнд иргэдийн гэр бүлийнхээ эрүүл мэндийн төлөө нүхэн жорлонгоо өөрчлөх хандлага ихэссэн төдийгүй жорлонгоо өөрчлөх хүсэлтэй иргэдийг банкны зүгээс дэмжин ажиллаж байна.
Иргэдийн эрүүл аюулгүй орчинд зөв амьдрах санаачилгыг дэмжсэн хамгийн эхний банк бол Капитрон банк. Тус банк Өмнөговь аймагт нүхэн жорлонгоо өөрчлөх иргэдэд урт хугацаатай, бага хүүтэй эко зээл олгож эхлээд байна. Энэхүү зээлийг 8 хувийн хүүтэй, 20 сарын хугацаатай олгох бөгөөд сард 40-50 мянга төгрөгийн эргэн төлөлттэй байх юм.
Өмнөговь аймгийн иргэд та бүхэн өөрийн болон гэр бүлийнхээ эрүүл мэндийн төлөө нүхэн жорлонгоо өөрчлөхөөр шийдсэн “Жорлонгоо өөрчилье” төслийн зөвлөгөөний дагуу эко жорлон хийж буй “Говийн боролзой” компанитай 88111069 утсаар холбогдоорой. Хэрэв танд санхүүжилт хэрэгтэй бол Капитрон банкинд хандаж эко зээл авах боломжтой юм.