Өмнөговь аймгийн ууган уурхай, орон нутгийн өмчит Тавантолгой ХК ний Төлөөлөн удирдах зөвлөл 10 сарын 10 ны өдөр хуралдаж Өмнөговь аймгийн өрх бүрт гурван тонн нүүрс үнэ төлбөргүй олгох шийдвэр гаргажээ. Энэ шийдвэрийг хэрэгжүүлж Тавантолгой ХК ний ажилчид, албан хаагчдад аймгийн 15 суманд ажиллаж, иргэдэд уурхайн үйл ажиллагааны талаарх мэдээлэл өгч, өрх бүрт олгох гурван тонн нүүрсний талоныг олгож , энэхүү нүүрсээ хэрхэн татах асуудлаар зөвлөгөө өгч байгаа юм. Өмнөговь аймгийн нийт 23 мянга өрх бүрт гурван тонн нүүрс авах эрх олгож байгаа бөгөөд орон сууцанд амьдардаг иргэд, нүүрсээ татсан иргэд энэхүү нүүрсний талоноо бусдад шилжүүлж, худалдан борлуулж болох юм.
Монголын Хөрөнгийн Биржийн 1-р ангилалд бүртгэлтэй "Таван толгой" ХК энэ оны эхний хагас жилийн байдлаар 1.1 сая тонн нүүрс олборлон борлуулж, 123.7 тэрбум төгрөгийн борлуулалтын орлоготой ажилласан нь өнгөрсөн оны мөн үетэй харьцуулахад 36.7 хувиар өссөн үзүүлэлт болжээ. Цэвэр ашгийн хэмжээ өнгөрсөн оны мөн үеэс 19 хувиар өсч, 23 тэрбум төгрөгт хүрчээ.
Нүүрс борлуулалтын бүтцийн хувьд 53 хувь нь коксжих нүүрс, 23 хувь нь сул коксжих, 7 хувь нь коксжих чанаргүй нүүрс, үлдсэн хувь нь дотоод зах зээлд борлуулсан нүүрс тус тус эзэлж байна. Борлуулалтын орлого нэмэгдэж цэвэр ашиг өсөхийн зэрэгцээ уурхайн уур геологийн нөхцөл байдлаас шалтгаалан олборлолтын өртөг өссөн байдалтай байна. Улс, орон нутгийн төсөвт 38.9 тэрбум төгрөгийг эхний хагас жилийн байдлаар бүрдүүлсэн.
