Сэврэй сумын "Тэмээн соёл уралдааны холбоо"-ноос "Хурганы бооцоот торомны уралдаан", "Дээлтэй Монгол" бөхийн барилдааныг энэ 10 дугаар сарын 20-ны өдөр зохион байгууллаа. Торомны уралдаанд нийт 14 тором уралдсанаас Сайншанд багийн О.Дэчиндаржаагийн хүрэн тором түрүүлж, Сайншанд багийн аймгийн тэргүүн уяач Н.Сумъяагийн шар тором аман хүзүүдэж, айргийн гуравт Сайншанд багийн сумын Тэргүүн уяач Б.Батаагийн шар тором, айргийн дөрөвт Сайншанд багийн сумын Тэргүүн уяач С.Очир-Эрдэнийн шар тором, айргийн тавд Сайншанд багийн сумын Тэргүүн уяач Б.Сумъяабазарын хөх тором хурдаллаа.
“Дээлтэй Монгол” бөхийн барилдаанд Бүйлсэн багийн Т.Түвшинжаргал түрүүлж Гурвантэс сумын н.Намсрай үзүүрлэж Б.Элдэв-Очир, Г.Баттөр нар шөвгөрлөө. Энэхүү үйл ажиллагааг сумын ИТХ, Засаг даргын Тамгын газар, Эрүүл мэндийн төв, Соёлын төвийн хамт олон болон сумын Тэргүүн уяач Ү.Пүрэвжавын гэр бүл ивээн тэтгэн хамтран ажиллалаа.