Сүүлийн жилүүдэд Гурвантэс суманд хүн амын суурьшил нэмэгдэж байгаа бөгөөд төрийн үйлчилгээг иргэд ойртуулах, хүртээмжийг сайжруулах зорилгоор Өмнөговь аймгийн ИТХ-ын 2018 оны 11 дүгээр сарын 29-ний өдрийн 7/9 тоот тогтоолоор Гурвантэс суманд 5 дугаар баг буюу "Бага-Овоо" баг байгуулах шийдвэр гаргаж, 2020 оны 1 дүгээр сарын 1-ний дотор зохион байгуулалтыг хийж шаардагдах хөрөнгийг орон нутгийн төсөвт тусгахыг аймгийн Засаг дарга Н.Наранбаатар, Гурвантэс сумын Засаг дарга О.Баттогтох нар даалгасан билээ.
Гурвантэс сумын 2019 оны төсвийн 149,380,000 төгрөгөөр багийн төвийн барилга, тохижилтонд 10 сая төгрөг, иргэдийн шилжилт хөдөлгөөний зардалд 7,890,000 төгрөгийг сумаас, мөн тохижилтонд 10 сая төгрөгийг аймгийн шийдвэрлэсэн байна. Нийтдээ 180 өрхийн 550 хүн амтай, 22871 толгой малтай "Бага овоо" баг ийнхүү шинээр байгуулагдсан нь Өмнөговь аймгийн 59 дэх баг болж байгаа ажээ.
