Өмнөговь аймгийн 2016-2020 онд хөгжүүлэх аймгийн Засаг даргын үйл ажиллагааны “Бид хамтдаа” хөтөлбөрийн хүрээнд боловсролын салбарт 4 дэд хөтөлбөр хэрэгжиж байна.
“Хүүхэд хөгжлийн түлхүүр” хөтөлбөрийн хүрээнд Даланзадгад сумын 5 дугаар сургууль, 23 дугаар цэцэрлэгт Тусгай хэрэгцээт боловсролын анги бүлгийг нээж, ажиллуулж байгаа бөгөөд багшийн урамшууллыг орон нутгаас олгож, дэмжлэг үзүүлж байна. 2 ангид нийт 25 хүүхэд хамрагдаж, боловсрол эзэмшиж байна.
“Оюуны хурд” хөтөлбөрийг хэрэгжүүлж, ур чадвартай багш нарыг гэрээ байгуулан урилгаар ажиллуулж байгаа бөгөөд математикийн сургалтын чанар дээшилж, 2019 онд Элсэлтийн ерөнхий шалгалтаар математикийн хичээл улсад 6 дугаар байрт жагслаа.
“Англи хэлтэй Өмнөговьчууд” хөтөлбөрийн хүрээнд Насан туршийн боловсролын төвд Англи хэлний багшийг ажиллуулж байна. Англи хэлний сургалтад 2019 онд 500 гаруй хүүхэд, залуучууд хамрагдаж, хамрагдсан хүний 24 хувь хэлний түвшин ахисан үзүүлэлттэй байна.
Гэрээгээр ажиллаж байгаа багш нар 2019 онд хийж хэрэгжүүлсэн ажлын тайлангаа танилцууллаа.
