Орон нутгийн өмчит Тавантолгой ХК 2017 оноос Биологийн олон янз байдлыг дүйцүүлэн хамгаалах төлөвлөгөөний хүрээнд Цогтцэций сумын Орон нутгийн тусгай хамгаалалттай газар болох Цэций уул Орон нутгийн тусгай хамгаалалттай газар нутгийг сонгон авч хамгааллын арга хэмжээг авч хэрэгжүүлж байгаа билээ.
Энэ газар нутагт 66 зүйл шувуу байдгаас 24 зүйл нь суурин 42 зүйл нь нүүдлийн шувууд байна. Мөн хөхтнөөс шавьж идэштэн 5, туулай хэлбэртэн 2, мэрэгчид 21, махчид 10, туурайтан 4 зүйлийн зэрлэг ан амьтад нутагладаг.
Дүйцүүлэн хамгааллын арга хэмжээний хүрээнд тус компанийн албан хаагчид, Цогтцэций сумын Байгаль орчны албатай хамтран 4 дүгээр сарын 7 ны өдөр Цэций уул орон нутгийн тусгай хамгаалттай газарт зэрлэг ан амьтдад зориулан өвс тавьж био техникийн арга хэмжээг хэрэгжүүлжээ.