Өмнөговь аймгийн Гэмт хэргээс урьдчилан сэргийлэх ажлыг зохицуулах салбарын зөвлөл 2021 оны 1 сарын 11 ний өдөр хуралдлаа. Энэхүү хурлаар Өмнөговь аймгийн нутаг дэвсгэрт 2020 онд бүртгэгдсэн гэмт хэрэг, зөрчлийн статистик мэдээтэй танилцаж, 2020 онд өссөн Өмчлөх эрхийн эсрэг гэмт хэрэг, Архидан согтуурснаас үйлдэлтэй Хүний эрүүл мэндийн халдашгүй байдлын эсрэг гэмт хэрэг болон бусад төрлийн гэмт хэрэг, зөрчлийг бууруулах, гэмт хэргээс урьдчилан сэргийлэх ажлыг чанар, үр дүнтэй зохион байгуулж, иргэн, аж ахуйн нэгж, байгууллага бүрд хүрч холбогдох хууль тогтоомжийг сурталчлах, иргэдийн хууль эрх зүйн мэдлэгийг дээшлүүлэх, олон нийтийг татан оролцуулахаар зөвлөлийн гишүүдээс ирсэн саналуудыг үндэслэн аймгийн гэмт хэргээс урьдчилан сэргийлэх ажлыг зохицуулах салбар зөвлөлийн 2021 оны төлөвлөгөөг хэлэлцэн баталлаа.
Өмнөговь аймгийн хэмжээнд 2020 онд нийт 458 гэмт хэрэг үйлдэгдсэн нь өмнөх оныхоос 57 гэмт хэргээр буюу 11.1 хувиар буурсан үзүүлэлттэй байна.
Мөн Аймгийн ИТХ болон ГХУСАЗСЗ цар тахлын үед хүнд нөхцөлд цаг наргүй ажиллаж байгаа байгууллага, албан хаагчдад нэг удаагийн амны хаалтны дэмжлэг үзүүллээ. Аймгийн Онцгой комисст 10000 ширхэг маск, Цагдаагийн газарт 1000 ширхэг маск, Онцгой байдлын газар 1000 ширхэг маск, Шүүхийн шийдвэр гүйцэтгэх газар, Эрүүл мэндийн газар, Сэтгүүлчдийн холбооны Өмнөговь аймаг дахь зөвлөлд тус тус 500 ширхэг маск гардуулан өглөө.
