Өмнөговь аймгийн Засаг даргын Тамгын газрын дарга Ө.Баянмөнх эрүүл мэнд, хүрээлэн буй орчноо хайрлаж хамгаалж унаган төрхөөр нь хадгалахын тулд амьдралдаа зөв дадал хэвшлийг бий болгох үднээс автомашинаас татгалзаж, өөрийн өдөрт тутмын хэрэгцээнд "Е bike" буюу Эко цахилгаан дугуйг сонгож хэрэглэж эхэлсэн байна. Энэхүү эко дугуйг таван цаг гар утас шиг цэнэглээд л 4-5 хоногт унах боломжтой бөгөөд 30 км/цаг хурдалдаг бөгөөд 3 сарын турш эко дугуй хэрэглэснээр жолоочийн цалин, шатахуун гээд 564 000 төгрөг хэмнэжээ.
ЗДТГ ын дарга Ө.Баянмөнх Эко Өмнөговь хөдөлгөөний хүрээнд “Хоггүй монголын төлөө” ТББ ын тэргүүн М.Бүжинлхамыг аймагтаа урьж төрийн албан хаагчид болон Улсын тэргүүний Нэгдүгээр сургуулийн бага ангийн хүүхдүүдэд "Хог хаягдал түүний хор уршиг"-ийн тухай сонирхолтой сургалт зохион байгуулжээ. Хүрээлэн буй орчиноо хоггүй цэвэр цэмцгэр байлгахын тулд бид иргэд олон нийтийн сэтгэл зүйг өөрчлөх шаардлагатай бөгөөд энэ өөрчлөлтийг төрийн албан хаагчид манлайлах ёстой гэж энэхүү сургалтыг зохион байгуулжээ. Тэрээр хог хаягдлын менежментийн төлөвлөгөөг санаачлан боловсруулж ИТХ-д танилцуулан 2019 онд ЖДҮ-ийг дэмжих төслийн хүрээнд хог хаягдлыг дахин боловсруулах үйлдвэрийн төслийг боловсруулж байгаа төдийгүй цаашдаа иргэд, олон нийтэд хог хаягдлаа ангилах, гялгар уут, хуванцарыг хэрэглээг багасгах чиглэлээр нөлөөллийн ажлууд болон хог хаягдлын менежментийг сайжруулах, хогийг баялаг болгох чиглэлээр олон ажлуудыг хийхээр төлөвлөжээ.
