“Нутгийн шийдэл” ТББ-аас Өмнөговь аймагт эко жорлонгийн ханган нийлүүлэгчдийг бэлтгэх үүднээс 10 дугаар сарын 3-ны өдөр эко жорлонгийн бизнес эрхлэх аж ахуйн нэгж, иргэдэд эко жорлонгийн технологи, шийдлийн талаарх сургалт зохион байгууллаа. Өмнөговь аймгийн эко жорлонгийн ханган нийлүүлэгчид “Нутгийн шийдэл” ТББ-ын зөвлөхүүдийн заасан зөвлөмжийн дагуу бүтээгдэхүүнээ хийж зах зээлд нийлүүлэхэд бэлэн болсон бөгөөд Капитрон банк эко жорлон захиалах иргэдэд жилийн 8 хувийн хүүтэй, урт хугацаатай эко зээлийг олгож эхэлжээ. Эко жорлонтой болохыг хүссэн иргэд Өмнөговь аймгийн Капитрон банкинд хүсэлтээ гаргах бөгөөд жилийн 8 хувь буюу сарын 0,66 хувийн хүүтэй, 5 жилийн хугацаатай зээл авах боломжтой юм.
Өнөөдрийн байдлаар Өмнөговь аймагт орон нутгийн компани болох “Мосугэ” ХХК, иргэн Д.Өсөхжаргал нар эко жорлон хийж зах зээлд гаргаад байна. Эдгээр компаниудын хийж буй эко жорлон нь Нутгийн шийдэл сангийн зөвлөмжийн дагуу хийгдэж байгаа бөгөөд модон бүхээгтэй, бетон нь хавтан суурьтай, суултууртай, агааржуулалттай, нүх нь стандартын дагуу ухагдсан, үнэргүй, хуурайшуулах технологиор хийгдсэн бөгөөд үнийн хувьд нүх ухах, суурилуулах зардал нь ороод 1,450,000-1,700,000 төгрөгийн өртөгтэй ажээ. Гэр бүлийнхээ эрүүл мэндийн төлөө эко жорлонтой болохыг хүсвэл "Мосугэ" ХХК-тай 80220150 утсаар, иргэн Д.Өсөхжаргалтай 89704940 утсаар холбогдож эко жорлон захиалах боломжтой. Мөн эко жорлонтой болоход санхүүгийн хүндрэлтэй бол Капитрон банкинд хандаж эко зээл авах боломжтойг дуулгахад таатай байна.