Үндэсний сурын харвааг орон нутагт хөгжүүлэх, сурталчлах, залуу харваачдыг халааг бэлтгэх зорилтыг орон нутгийн бодлогод тусгах зорилгоор Аймгийн Засаг даргын Тамгын газар, Өмнөговь аймгийн үндэсний сурын холбоо хамтран Өмнөговь аймгийн сур харваачдын нэгдсэн зөвлөгөөн-ийг зохион байгууллаа.Зөвлөгөөнд аймгийн Засаг дарга Р.Сэддорж оролцож, харваачдын санал хүсэлтийг сонсож, үндэсний өв соёлыг түгээн дэлгэрүүлэх, залуу харваачдыг бэлтгэхэд орон нутгийн бодлого, дэмжлэгийн талаар санал солилцлоо.
Дашрамд дурьдахад одоогоос гуч гаруй жилийн өмнө Б.Дорж, Ц.Буяндэлгэр, Ж.Баттөмөр, С.Баярмаа гээд бахархам амжилтын эзэд болсон харваачид Өмнөговь аймгийн Үндэсний сурын холбоог анхлан байгуулж байсан түүхтэй Өнөөдрийн байдлаар тус холбоо 100 гаруй харваачидтай, тэдгээрийн 80 гаруй хувь нь цол зэрэгтэй төдийгүй тэдний дундаас Монгол улсын Даяар дуурсах мэргэн нэг, Монгол улсын мэргэн цолтон нэг төрөн гарчээ.