Япон улсаас Монгол орны үзэсгэлэнт байгаль тэр дундаа говь нутгийг үзэж сонирхох жуулчдын тоо өндөр байдаг. Цаашдаа жуулчдын тоо нэмэгдүүлэх, говийн аялалын маршрутыг нэмэгдүүлэх, дэд бүтцийг сайжруулах чиглэлээр Өмнөговь аймаг, Жайка олон улсын байгууллага хамтран ажиллахаар анхны уулзалтаа 2023 оны 6 дугаар сарын 20 ны өдөр Даланзадгад хотод зохион байгууллаа.
Энэхүү уулзалтаар олон улсын нисэх буудлыг байгуулах, Ёлын ам, Нэмэгтийн хөндийн менежментийн төлөвлөгөөг боловсруулахаар төлөвлөсний зэрэгцээ Жайка байгууллагын төлөөлөл 10 сард Японы Осока хотод зохион байгуулагдах Азийн аялал жуучлалын JATA” үзэсгэлэн яармагт оролцох урилгыг Өмнөговь аймгийн удирдлагуудад гардууллаа. Тус үзэсгэлэнд Өмнөговь аймгийн аялал жуулчлалын байгууллагуудын төлөөлөл оролцсноор Япон улсын жуулчдад говь нутгаа сурталчлан, хамтын ажиллагагаа өргөжүүлэх шинэ боломж гэж үзэж Өмнөговь аймгийн удирдлага талархан хүлээж авлаа.
