Нэгдсэн үндэсний байгууллагаас жил бүрийн 6 сарын 17 -ныг Цөлжилттэй тэмцэх дэлхийн өдрийг (ЦТДӨ) тэмдэглэж байхаар зарласан бөгөөд дэлхийн улс орнууд цөлжилттэй тэмцэх, түүнийг сааруулах зорилгоор 1994 онд “Ган цөлжилтэнд ноцтой өртөж буй орнууд цөлжилтэй тэмцэх тухай НҮБ-ыг концевийг баталсан билээ. Манай улс 1996 онд энэхүү концевийг соёрхон баталснаар НҮБ-ын концевийг соёрхон баталсан эхний 50 улсын нэг болсон түүхтэй. НҮБ-аас энэ жил Эх дэлхий түүний нутаг, түүний эрх уриан дор тэмдэглэж байгаа бөгөөд энэхүү өдрийг тохиолдуулан БОАЖЯ, Өмнөговь аймгийн ЗДТГ, “Оюу толгой” ХХК, ШУА-ийн харьяа Газарзүй, Геоэкологийн хүрээлэн хамтран Өмнөговь аймгийн төв Даланзадгад хотноо “Уур амьсгалын өөрчлөлт, дасан зохицох, цөлжилтийг сааруулах- Өмнөд говийн бүсийн экосистемийн судалгаа, хамгаалал” сэдэвт эрдэм шинжилгээний бага хурлыг Даланзадгад хотод зохион байгуулж байна.
Тус бага хурлын үеэр бодлого боловсруулагчид, Их сургууль, шинжлэх ухааны байгууллагууд, эрдэмтэн судлаачид, уул уурхайн төлөөлөл, төрийн бус байгууллагууд оролцож,
✅ “Уур амьсгалын өөрчлөлт, цөлжилтийн талаарх бодлого, өнөөгийн төлөв”,
✅“Байгаль орчин, нийгэмд гарч буй үр дагавар”,
✅“Хамгаалал, дасан зохицох” гэсэн дэд сэдвүүдийн хүрээнд
✅Уур амьсгалын өөрчлөлт Монгол оронд,
✅Цөлжилт, газрын доройтлыг бууруулах арга хэмжээний тухай,
✅Нэг гариг, нэг эрүүл мэнд - Биологийн олон янз байдлын алдагдал,
✅Өмнөговь аймгийн цөлжилтийн төлөв байдлын талаар зэрэг олон сонирхолтой илтгэлүүдийг хэлэлцүүлж байна.
