Өмнөговь аймгийн “Хасуд Бат” ХХК 1995 оноос арьсан эдлэл, оёдлын чиглэлээр үйл ажиллагаа явуулж ирсэн үндэсний аж ахуйн нэгжий нэг юм. Тус компани уул уурхайн хөдөлмөр хамгааллын арьсан хэрэгсэл, ажлын нимгэн бээлий, өвөл, зуны ажлын хувцас, ажлын гутал болон иргэдийн захиалгаар гоёлын, энгийн, хүүхдийн гутал үйлдвэрлэн борлуулж байна. 2010 оноос Оюу-Толгой компанийн ханган нийлүүлэгчээр хамтран ажиллаж, тус компанийн шилдэг ханган нийлүүлэгчээр шалгарчээ.
"Хасуд Бат" ХХК олон улсын стандарт шаардлага хангасан EN420, EN338 ажлын арьсан бээлийг монгол ямааны арьсаар үйлдвэрлэн зах зээлд гаргаж байгаа төдийгүй сард 5000 хос бээлий үйлдвэрлэн Оюутолгой компанид нийлүүлжээ. 2018 оны 10 сарын 3-нд Оюутолгой компаниас “Ханган нийлүүлэгчдийн үзэсгэлэн-2018” экспо зохион байгуулж “Монголд үйлдвэрлэв” стратегийг танилцууллаа. Энэ үеэр Оюу толгой ХХК-ийн зарласан нээлттэй тендерт шалгарсан цахилгаан, аюулгүй ажиллагааны хувцас үйлдвэрлэгчийг сонгох тендерт шалгарсан үндэсний 4 аж ахуйн нэгжтэй гэрээ байгуулсаны нэг нь Өмнөговь аймгийн "Хасуд Бат" ХХК байлаа. "Хасуд Бат" ХХК Оюутолгой компанид гагнуурын тусгай хувцас, арьсан бээлий үйлдвэрлэн нийлүүлэх аж.
.jpg)
