2022-2023 оны хичээлийн жилд Өмнөговь аймгийн 21 цэцэрлэгт 53 удирдах ажилтан, 387 багш, Ерөнхий боловсролын 22 сургуульд 64 удирдах ажилтан 756 багш ажилласан бол Политехникийн коллеж, Насан туршийн боловсролын төв, Шинжлэх ухаан технологийн их сургуулийн харъяа Технологийн дээд сургуулиудад 90 гаруй багш, удирдлагууд ажилласан байна. Хичээлийн жил дуусч байгаатай холбогдуулан Өмнөговь аймгийн бүх шатны боловсролын байгууллагууд 2022-2023 оны хичээлийн жилд дэвшүүлсэн зорилго, зорилтын хэрэгжилт, хийж хэрэгжүүлсэн ажлын тайланг нэгтгэн дүгнэх, тэдний сайн туршлагыг түгээн дэлгэрүүлэх зорилготой хичээлийн жилийн дүгнэлт, хэлэлцүүлгийг Даланзадгад хотод байгууллаа. зохион байгууллаа. Уг хэлэлцүүлгээр боловсролын салбар дахь хүүхдийн эрх, хамгаалалд бидний оролцооны сайн туршлага, сурагчдын сурлагын чанарыг сайжруулах сайн туршлага болон, хүүхдийн хоол- боловсролд,Эрүүл мэндэд нөлөөлөх асуудлаарх сайн туршлага, байгууллагын менежментийг үр дүнтэй хэрэгжүүлэх, боловсролын байгууллагын салбар хоорондын хамтын ажиллагаа, сайн туршлага гэсэн 5 үндсэн хэлэлцүүлгийг хүрээнд СӨБ, ЕБС, НТБТ-ийн зорилго, зорилтын хэрэгжилт, онцлох арга хэмжээний талаар хэлэлцэж, туршлага, тулгамдсан асуудлаа хэлэлцэж ирэх жилийн төлөвлөлтөнд анхаарах асуудлаа ярилцлаа.
