Даланзадгад сумын Засаг даргын Тамгын газраас гадаад харилцаагаа өргөжүүлэхэд онцгой анхаарч ажиллаж байгаа билээ. Даланзадгад сумын Засаг дарга Х.Батболд энэ оны 5-р сард БНСУ-ын Жонжү хотын “Пижон” их сургуультай хамтран ажиллах гэрээг байгуулсан билээ. Энэхүү гэрээний хүрээнд тус сургуулийн захирал Ү Бён Хүн, Гадаад харилцааны албаны дарга И Сан Раг нар Даланзадгад айлчлан хамтын ажиллагааны хүрээнд хийгдэх ажлуудын талаар санал солилцож, Өмнөговь аймгийн Политехникийн коллежийн үйл ажиллагаатай танилцаж хамтран ажиллах гэрээ байгууллаа. Тус гэрээг байгуулснаар Политехникийн коллежийн сургалтын системд Солонгос хэлний сургалтыг нэмэгдүүлэн, идэвх санаачилгатай суралцсан сурагчдыг БНСУ-ын “Пижон” их сургуульд 20 хувийн тэтгэлэгтэй суралцуулах эрхийг бий болгож байгаа юм. Мөн “Сурагч солилцоо” хөтөлбөрт хамруулан цаашид нарийн мэргэжлээр суралцах боломжийг олгон, мэргэжил сонголтоо зөв хийх, эзэмшсэн мэргэжлээрээ БНСУ-д ажиллах зэрэг давуу талуудтай юм.
