Даланзадгад сумын Засаг даргын Тамгын газраас “Тэрбум мод” үндэсний хөдөлгөөний хүрээнд намрын мод тарих өдрийн арга хэмжээг 0148 дугаар цэргийн ангитай хамтран зохион байгууллаа. Мод үржүүлгийн 7 га талбай буюу “Говь хангай төгөл” цэцэрлэгт хүрээлэнд 200 ширхэг хайлаас модыг стандартын дагуу нөхөн тарьж, цэнэг услагааг хийж гүйцэтгэлээ. Мөн Даланзадгад сумын ЗДТГ-аас “Ногоон Агула” ТББ, Захирагчийн ажлын албатай хамтран хотын өнгө үзэмжийг нэмэгдүүлэх, ногоон байгууламжийн өсөлт ургалтыг дэмжих зорилгоор Номин худалдаа үйлчилгээний урд талаас Хийдийн ар тал, Төрийн банкнаас паркийн уулзвар, Цогжавхлан худалдааны төвийн ардаас Баянбулаг хороолол хүртэл, сумын ЗДТГ-ын баруун, зүүн талын засмал дагуух өвчилсөн, буруу ургалттай, гэмтэлтэй 1194ш улиас, хайлаас моддод титэм цэвэрлэгээ хийлээ. Мөн ургах боломжгүй болсон 22ш улиас, 31ш хайлаасыг талбайгаас чөлөөлөн цэвэрлэж залуужуулах, хэлбэржүүлэх тайралтуудыг хийж гүйцэтгэлээ.
