Монголын самбо бөхийн Гранд мастеруудын улсын аварга шалгаруулах тэмцээн 2 сарын 13, 14 ний өдрүүдэд Улаанбаатар хотноо амжилттай болж өндөрлөлөө.
Энэхүү тэмцээнд хот хөдөөгийн 17 клубын 120 гаруй ахмад тамирчид оролцож, хурд, хүч, авхаалж самбаагаа сорьсон бөгөөд Өмнөговь аймгийн тамирчид 1 алт, 5 мөнгө, 3 хүрэл нийт 9 медаль хүртэж багийн амжилтаар 4-р байрт орсон амжилтыг үзүүлсэн юм.
Өмнөговь аймгийн тамирчид эрэгтэйчүүдийн 45-49 насны ангилалын 84 кг-ийн жинд Баярсайхан алтан медаль, Б.Баттөр мөнгөн медаль, 100 кг ийн жинд Ш.Азжаргал , Б.Баянмөнх нар мөнгөн медаль, 50- 55 насны ангилалын -100 кг ийн жинд Ш.Баттулга Мөнгөн медаль тус тус хүртсэн бол эмэгтэй тамирчдын 35-40 насны ангилалын +80кг жинд Н.Алтанцэцэг мөнгөн медаль, -80кг ийн жинд Д.Баяртуяа мөнгөн медаль хүртжээ. Мөн 35-39 насны 90кг төрөлд Г.Энх-Эрдэнэ, 76кг ийн жинд Ц.Ганзориг нар хүрэл медаль
хүртсэн байна. Улсын аварга шалгаруулах тэмцээнд нутгийн тамирчдыг ивээн тэтгэж оролцуулсан Өмнөговь аймгийн Самбо бөхийн холбооны тэргүүн Р.Сэддоржид тамирчид, багш дасгалжуулагчид талархалаа илэрхийлсэнг уламжилж байна.