Даланзадгад сумын Засаг даргын Тамгын газар "Хичээнгүй Үндэс" ТББ-тай хамтран 5 дахь жилдээ "Хариуцлагатай гэр бүл-5" төслийг амжилттай хэрэгжүүлж, нийт 150 хүнээс ярилцлагад тэнцсэн 30 оролцогч 10 долоо хоногийн турш 60 академик цагийн хичээл судлаж амжилттай төгсөж сертификатаа гардан авлаа.
Энэхүү төсөл нь 2 сарын 25-наас 4 сарын 27-ны хооронд 10 долоо хоногийн хугацаанд үргэлжилж хувь хүний хөгжлийг дэмжих, гэр бүлийн үнэт зүйлсийг бэхжүүлэх цогц хөтөлбөр гэдгээрээ оюуны маш том хөрөнгө оруулалт боллоо. Оюундаа хөрөнгө оруулж хамгийн үнэтэй цаг заваа гаргаж амжилттай төгссөн нийт төгсөгч нарт Даланзадгад сумын удирдлагууд талархал илэрхийллээ.
