Өнөөдөр буюу 03-р сарын 17-ны өдөр аймгийн Онцгой комисс хуралдаж, 2025 оны 03-р сарын 13-ны өдрийн Онцгой комиссын хурлын шийдвэрийн дагуу Даланзадгад сумын сургууль цэцэрлэгийг цахимд шилжүүлэн ариутгал халдваргүйжүүлэлтийг 100 хувь, дархлаажуулалтын хамрагдалтыг идэвхжүүлэн тандалт судалгааг хийж, өвчлөлийн голомт гарсан газруудыг тусгаарлах арга хэмжээг авч дууссан тул дараах шийдвэрийг гаргалаа.
1. 2025 оны 03-р сарын 18-ны өдрөөс сургууль, цэцэрлэгийн үйл ажиллагааг хэвийн горимд шилжүүлэх;
2. Хичээлээс гадуурх дугуйлан секц болон уралдаан тэмцээн, олон нийтийг хамарсан үйл ажиллагааг 2025 оны 03 дугаар сарын 20-ны өдрийг дуустал хугацаанд түр хязгаарлах;
3. Сургууль, цэцэрлэгийн орчинд халдваргүйжүүлэлтийг хийж, халдвар хамгаалалтын дэглэмийг сахиулах, бэлэн байдлыг хангах;
4. Сургууль, цэцэрлэгийн хүүхдүүдийн дундах тандалт судалгааг тасралтгүй хийж, нөхөн дархлаажуулалтын ажлыг идэвхжүүлэх;
5. Улаан бурхан өвчнөөс урьдчилан сэргийлэх хариу арга хэмжээг идэвхжүүлэх зорилгоор Аймгийн Засаг даргын орлогч Ж.Занабазараар ахлуулсан мэргэжлийн байгууллагаас бүрдсэн ажлын хэсэг байгуулах.
