Өмнөговь аймгийн төв Даланзадгад хотоос хойш 100км, Булган сумаас зүүн тийш 18км оршдог. Энэ цонжийг жуулчид гадны хүмүүс “Баянзаг” хэмээн нэрлэж ирсэн боловч нутгийнхан Ширээ шавар, Тэмээн шавар, Улалзах цонж хэмээн нэрлэдэг бөгөөд цонжоос хойш орших загийн шугуйг л Баянзаг гэж нэрлэдэг ажээ.
1920-иод оны үед АНУ-ын Нью Йорк дахь байгалийн түүхийн музейн судлаач, Төв Азийн шинжилгээний ангийн ахлагч Рой Чапмен Эндрюс-ийн удирдсан экспедиц “Баянзагт” ирж олон сая жилийн тэртээх үлэг гүрвэлийн ховор олдворуудыг олсон бөгөөд Палеонтологийн ховор олдворууд олдсон газар гэдгээрээ дэлхий дахинд алдаршсан газар юм. Мөн үлэг гүрвэлийн өндөг олноор олдсоноос гадна үлэг гүрвэлийн үүрийг дэлхийд анх удаа чухам эндээс олсон гэдэг
Баянзаг нь Монголын цаашлаад дэлхийн байгалийн түүх, археологи, шинжлэх ухааны нэн чухал дурсгал, ул мөр олдворуудыг харьцангуй сайнаар хадгалах үлдсэн алдарт Арц богдын уулсын дагуух уудам хөндийд орших бөгөөд Баянзагаас өнөөг хүртэл хүн төрөлхтөний эртний түүх, археологи палентологын нэн чухал, ховор олдворууд олдсоор байгаа түүхэн чухал газар орон юм. Иймээс Тонгол орон төдийгүй дэлхий нийтэд алдаршсан нэн чухал газар нутгийнх нь хувьд “Баянзаг – Flaming Cliffs” –ийг 2010 онд Монголын говь нэрээр “Монгол улсын есөн гайхамшиг”-аар нэг болсон юм.
