Жил бүрийн аравдугаар сарын 31-ний өдрийг дэлхийн улс орнууд “Дэлхийн хуримтлалын өдөр” болгон зохион байгуулдаг. Мөн энэхүү өдрийг угтан жил бүрийн аравдугаар сарыг хуримтлалыг сурталчлах сар болгож, өргөн хүрээнд сургалт, сурталчилгааны ажлыг хэрэгжүүлдэг билээ. 10 гаруй жилийн өмнөөс Монгол улсад хуримтлалын өдрийг тэмдэглэн өнгөрүүлж, Монгол банк, арилжааны банкууд иргэд, олон нийтийн санхүүгийн боловсролыг дээшлүүлэх, хуримтлалын үр өгөөжийн талаар мэдлэг олгох ажлуудыг зохион байгуулдаг юм. Энэ жил тус аяныг “Хуримтлалаараа мөрөөдлөө бүтээе“ уриан дор хүүхэд багачуудад хуримтлалын ач холбогдол, түүнийг дадал болгох нөлөөллийн ажлыг орон даяар зохион байгуулсан байна.
Энэхүү аяны хүрээнд Өмнөговь аймгийн Монгол банк, арилжааны банкны салбарууд хамтран 15 сумын 20 сургууль цэцэрлэгийн хүүхдүүд, төрийн болон хувийн хэвшлийн байгууллагуудын ажилтнууд зэрэг 1,804 иргэн, хүүхдүүдэд хуримтлалын ач холбогдлын талаар сургалт, мэдээлэл өгч, Даланзадгад сумын ИТХ, ЗДТГ-аас хүүхдүүдийн дунд санхүүгийн боловсролын чиглэлээр уралдаан тэмцээнийг зохион байгууллаа. Тус аяны хаалтыг Даланзадгад суманд зохион байгуулж, "Хадгаламж өлсөхөөс эхэлдэг" номын зохиолч Лектор Г.Мөнгөн “Хуримтлалаар мөрөөдлөө бүтээе” сэдвээр илтгэл танилцуулж, аяны хүрээнд зохиогдсон тэмцээн, уралдааны шагналыг гардуулжээ. Даланзадгад сумын ЕБС-иудын санхүүгийн боловсролын үе тэнгийн клубийн сурагчдын дунд зохион байгуулсан “Дэвжээ” тэмцээнд 3-р сургуулийн санхүүгийн боловсролын клубийн “Didiffereci” баг тэргүүн байр, 1-р сургуулийн санхүүгийн боловсролын клубийн "Санхүүч ботго" баг дэд байр, 4-р сургуулийн "Цаглашгүй хөгжил" баг гутгаар байрт шалгарсан байна.
Өмнөговь аймгийн ЕБС-иудын ахлах ангийн сурагчдын дунд богино хэмжээний видео бичлэг бүтээх уралдаанд: Даланзадгад сумын 1-р сургуулийн санхүүгийн боловсролын клубын "Санхүүч ботго" багийн бүтээл тэргүүн байр, Даланзадгад сумын 1-р сургуулийн 12а ангийн “Гэрэл түгээгчид” багийн бүтээл дэд байр, Даланзадгад сумын 4-р сургуулийн санхүүгийн боловсролын клубын "Цаглашгүй" багийн бүтээл гутгаар байрт тус тус шалгарч өргөмжлөл, мөнгөн шагналаар шагнагджээ. Аяны хүрээнд насанд хүрсэн иргэдийн дунд зохион байгуулсан “Эсээ” бичлэгийн уралдаанд аймгийн номын сангийн дарга А.Одончимэгийн “Хуримтлал - бидний гэр бүлийн түүх” бүтээл, Даланзадгад сумын нийгмийн ажилтан Ү.Солонгын "Хуримтлалаар мөрөөдлөө бүтээе" бүтээл дэд байр, Даланзадгад сумын 2-р багийн ИНХ-ын дарга Б.Энхболдын "Хуримтлалаар мөрөөдлөө бүтээе" бүтээл гутгаар байрт шалгарсан байна.
