“Өсөлттэй Даланзадгад хот” хөтөлбөрийн нэг жилийн тайлангийн өдөрлөг тус аймгийн Хөгжимт жүжгийн театрт зохион байгуулагдаж хөтөлбөрийн хэрэгжилтийн явц, үр дүнг иргэдэд танилцууллаа.
2025 онд Даланзадгад хотын боловсрол, эрүүл мэнд, хөдөлмөр эрхлэлт, нийгмийн хамгаалал, соёл урлаг, спорт, байгаль орчин, хүнс, хөдөө аж ахуй, жижиг дунд үйлдвэрлэл, дэд бүтэц, хөрөнгө оруулалт, гадаад харилцаа, аялал жуулчлалын салбаруудад хэрэгжүүлсэн оновчтой, үр дүнтэй төсөл хөтөлбөрүүд болон бүтээн байгуулалтын ажлуудыг олон нийтэд дэлгэрэнгүй танилцуулсан юм.
Иргэдийн оролцоог нэмэгдүүлэх зорилгоор 2026 оны төсөвт санал авах, төрийн байгууллагуудын үйлчилгээг нэг цэгээс хүргэх арга хэмжээг өдөрлөгийн хүрээнд зохион байгуулжээ.
