Оюу толгой компанид орон нутгийн үйлдвэрлэгчдийн ханган нийлүүлэлтийг сайжруулах зорилгоор аймгийн Засаг даргын орлогч С.Мөнхбаяраар ахлуулсан ажлын хэсэг байгуулсан. Уг ажлын хэсэг хуралдаж 2018 оны ажлаа дүгнэж, 2019 онд хийж хэрэгжүүлэх ажлуудаа хэлэлцлээ. 2018 онд орон нутгийн үйлдвэрлэгчид 14 нэр төрлөөр 102 сая долларын бүтээгдэхүүн үйлчилгээг Оюутолгой компанид нийлүүлж төлөвлөгөөг давуулан биелүүлсэн байна.
Мөн Өмнөговь аймгийн үйлдвэрлэгчдээ алдаршуулах нэвтрүүлэг хийж олон түмэнд хүргэхийн зэрэгцээ Даланзадгад суманд бизнес эрхлэгчдэд зориулсан мэдээллийн төвийг ажиллуулж үйл ажиллагааг нь жигдрүүлсэн байна.
Хөдөлмөр эрхлэлт ханган нийлүүлэлтийг нэмэгдүүлснээр 2018 онд шууд ажлын байр 2699, шууд бус ажлын байр 1441 нэмэгджээ.