2014 оноос Австрали Улсын Засгийн газар Өмнөговь аймгийн Политехникийн Коллежийн үйл ажиллагааг дэмжихэд зориулж 6.3 сая австрали долларын санхүүжилтийн дэмжлэг үзүүлэн тусгайлсан хөтөлбөр хэрэгжүүлж байгаа билээ. Австралийн Засгийн газраас энэхүү хөтөлбөрийн үр дүнг сайшааж цаашид Өмнөговь аймгийн уул уурхай болон бусад салбарт ажлын байр нэмэгдүүлэх зорилгоор төслийн хугацааг 2021 оны 3 дугаар сар хүртэл сунгахаар шийдвэрлэж, Австрали Улсын Элчин сайд ноён Дэйв Воусэн болон Германы Олон улсын хамтын ажиллагааны нийгэмлэгийн Монгол дахь суурин төлөөлөгч ноён Даниэль Пассон нар гэрээнд гарын үсэг зурлаа.
Элчин сайд Дэйв Воусэн хэлсэн үгэндээ “Австрали Улсын Засгийн газраас хөдөө орон нутгийн ард иргэд, залуусын мэдлэг, ур чадварыг нэмэгдүүлж, Монгол Улсын эдийн засгийн хөгжлийн үр шимээс хүртэж, ажлын байртай болох боломжийг нь дээшлүүлэхэд туслалцаа үзүүлж байгаадаа баяртай байна. Чанартай мэргэжлийн боловсрол нь Монголын залуу хойч үе улс орны эдийн хөгжилд гар бие оролцож, өөрсдийн хувь нэмрээ оруулахад чухал үүрэгтэй” болохыг онцлов.
Энэхүү төслийг хэрэгжүүлэгч Германы Олон улсын хамтын ажиллагааны (GIZ) нийгэмлэгээс дараах чиглэлүүдэд анхаарна. Үүнд:
Төслийн баг дээрх чиглэлээр Өмнөговь аймгийн удирдлага, Хөдөлмөр, нийгмийн хамгааллын яамтай нягт хамтран ажиллан, техник, мэргэжлийн боловсрол сургалтын чанарыг сайжруулах, Монгол Улсын хөгжил дэвшилд хувь нэмэр оруулах, шаардлагатай ажиллах хүчнийг бэлтгэх чиглэлээр хийж буй томоохон төсөл хөтөлбөрийн нэг бүрэлдэхүүн хэсэг болж байна.