Өнөөдрөөс гялгар уут худалдаалах, хэрэглэхийг хориглоно

Засгийн газрын 2018 оны 6 сарын 20 ны өдрийн 189 дүгээр тогтоолоор өргөн хэрэглээний нийлэг уутыг 2019 оны гуравдугаар сарын 1-нээс худалдаанд гаргах, хэрэглэхийг хориглосон билээ. Энэхүү шийдвэрийн хэрэгжилтэнд хэрэгжилтэд Гаалийн Ерөнхий Газар, Мэргэжлийн Хяналтын Ерөнхий Газар болон бусад холбогдох байгууллагууд хяналт тавих юм. Тогтоол хэрэгжиж эхэлсэн өдрөөс зөрчил гаргасан аж ахуй нэгж, иргэнийг Зөрчлийн тухай хуулийн 6.1.4 дүгээр заалтад “Хууль дүрэм стандартад заасан шаардлагад нийцээгүй сав баглаа боодлыг үйлдвэрлэсэн, импортолсон, худалдаа үйлчилгээнд хэрэглэсэн бол хувь хүнийг 300 нэгж буюу 300 мянган төгрөг, хуулийн этгээдийг 3000 мянган нэгж буюу гурван сая төгрөгөөр торгох юм.

• Бидний өдөр тутам хэрэглэж буй нийлэг уут буюу гялгар уутны хор хөнөөлийн тухай товч дурдахад:
• Байгаль дээр задралгүй 100-400 жил болдог. Ингэхдээ байгаль орчноор дамжуулан хүний эрүүл мэндэд сөрөг нөлөөг үзүүлдэг,
• Гялгар уутны хог хаягдал нь өөрөөсөө их хэмжээний хорт хийг ялгаруулан хөрс, ус болон агаарыг бохирдуулдаг,
• Ганцхан хүн гялгар уутны хэрэглээгээ даавуун уутаар сольсноор 22,000 гялгар уут байгаль орчинд хаягдахаас сэргийлэх боломжтой,
• Гялгар уутыг газрын хөрснөөс бүр мөсөн устгахыг хүлээе гэвэл 1,000 жил шаардагдах ажээ.