Эссэ бичлэгийн уралдааны шилдгүүд тодорлоо

Өмнөговь аймгийн Капитрон банк аймгийнхаа эрүүл мэнд, болосвролын салбарт олон олон ажлуудыг санаачлан хэрэгжүүлдэг нийгмийн хариуцлагатай өндөртэй байгууллага юм. Энэ удаа Өмнөговь аймгийн Капитрон банк, аймгийн ЗДТГ, Боловсрол, соёл, урлагийн газартай хамтран Даланзадгад хотын ЕБС-ын 10-12 дугаар ангийн сурагчдын дунд "Миний ирээдүй-Миний мэргэжил" эссэ бичлэгийн уралдааныг 4 дүгээр сарын 8-19-ний өдрүүдэд хоёр үе шаттайгаар амжилттай зохион байгууллаа. Энэхүү эссэ бичлэгийн уралдаанд 110 сурагчид материалаа ирүүлж оролцсноос

• 1-р байранд 4-р сургуулийн 11а ангийн сурагч Т.Нинжбадгир,  3-р сургуулийн 11в ангийн сурагч Г.Болор-Эрдэнэ нар шалгарч өргөмжлөл тус бүр  500,000 төгрөгөөр

• 2-р байранд 3 дугаар сургуулийн 12а ангийн сурагч М.Отгон-Оюун, 1 дүгээр сургуулийн 11г ангийн сурагч А.Энхжин нар шалгарч тус бүр 300,000 төгрөг,  

• 3-р байранд  3 дугаар сургуулийн 11б ангийн сурагч Э.Үржинбадам, 1 дүгээр сургуулийн 12а ангийн сурагч Б.Бямбазаяа нар шалгарч тус бүр 150 000 төгрөг өргөмжлөлөөр шагнагдсан байна.

• Тусгай байранд 3 дугаар сургуулийн 12а ангийн сурагч Г.Номуунгэрэл5 дугаар сургуулийн 11б ангийн сурагч, Ж.Мягмарсүрэн нар шалгарч тус бүр 100 000 төгрөг, өргөмжлөлөөр шагнагдлаа.

Ерөнхий боловсролын сургуулийн ахлах ангийн сурагчдын өмнө тулгамддаг асуудлын нэг мэргэжил сонголт байдаг бөгөөд энэхүү уралдаанд оролцсон нь сурагчид өөрийгөө тодорхойлох,  өөрсдийнхөө хүсэл сонирхолыг илэрхийлэх томоохон боломжийг нээж өгсөн, үр өгөөжтэй уралдаан боллоо гэж сурагчдад тус банкны ах, эгч нартаа талархалаа илэрхийлж байлаа.