Өмнөговь аймаг бол эрийн гурван наадмын нэг сурын харваагаар арвин их баялаг түүхтэй нутаг. Халх даяараа алдартай улсын мэргэн Дорж, Баярхүү, Ваанчиг, Жанчив гээд мэргэн харваачид байсан гэдэг.
Сүүлийн жилүүдэд Улсын даяар дуурсах мэргэн Ж.Баттөмөр, Улсын мэргэн С. Баярмаа тэргүүтэй Өмнөговь аймгийн сурын холбооны баг, харваачид улсын наадамд удаа дараа тэргүүлсээр ирсэн бөгөөд Өмнөговийн харваачдаас Улсын даяар дуурсах мэргэн 1, Улсын мэргэн 1, спортын мастер, дэд мастер гуч гаруй төрөн гарсан байна.
Өмнөговийн мэргэн харваачдын нэг , Монгол улсын анхны шилдэг дасгалжуулагч, Спортын мастер, аймгийн мэргэн Ж.Давааням агсны нэрэмжит үндэсний сурын харвааг жил бүр зохион байгуулдаг уламжлалтай. Энэ жилийн ХАВРЫН ТЭРГҮҮН ХАРВААНД насанд хүрэгчдийн ангилалд 40 орчим харваач, өсвөр үе ангилалд 30 гаруй харваач цэц мэргэнээ сорьж өрсөлдөв.
Насанд хүрэгчид (эрэгтэй):
1. Ж.Баттөмөр МУ-ын Даяар дуурсах мэргэн
2. Д.Чулуунбаяр Спортын мастер
3. Ц.Батхуяг Спортын мастер
4. М.Энхтүвшин Спортын мастер
5. М.Шижирган Спортын мастер
Насанд хүрэгчид (эмэгтэй):
1. С. Батчимэг Спортын мастер
2. О.Чинзүрх МУ-ын Гоц харваач
3. С.Баярмаа МУ-ын мэргэн
4. Б.Сугир МУ-ын Гоц харваач
5. Т.Тамир
Өсвөр үе (эрэгтэй):
1. Э.Баасанхүү 7-р сургууль 8б анги
2. Г.Дорждамба 5-р сургууль 5в анги
3. Б.Баттогтох 7-р сургууль 10а анги
4. М.Ууганжаргал 3-р сургууль 9б анги
5. М.Ууганбаяр 7-р сургууль 10б анги
Өсвөр үе (эмэгтэй):
1. Б.Бадамханд 3-р сургууль 10а
2. А.Энхцэцэг Ханбогд сум 1-р сургууль 11а
3. Цэнд-Аюуш 7-р сургууль 10а
4. Аминзул Гурвантэс сумын ЕБС
5. Одгэрэл Гурвантэс сум ЕБС
Ийнхүү хаврын тэргүүн харваа чансаа өндөртэй болж өндөрлөлөө. Мөн энэ үеэр аймгийн сурын холбооны удирдлага харваачидтайгаа хариуцлага, үр дүнгийн гэрээ байгуулсан бөгөөд ингэснээр харваачдын бэлтгэл сургуулилт сайжирч, хариуцлага нэмэгдэж, амжилтаа ахиулах нэг хөшүүрэг болно гэдгийг аймгийн Сурын холбооны тэргүүн Б.Чинбат онцоллоо.
