“Таны оролцоо ирээдүйг гэрэлтүүлнэ” уриатай Өмнөговь аймгийн “Өглөөний клуб”-ын залуучууд нийгэмд чиглэсэн олон ажлуудыг санаачлан зохион байгуулан ажиллаж байгаа бөгөөд тус клубын залуус Даланзадгад хотын төвд залуучуудын чөлөөт цагаа зөв боловсон өнгөрүүлэх “Гэрэлт гудамж” -ийг тохижуулж, Даланзадгад хотын төв цэцэрлэгт хүрээлэнд мод тарьж, хотын соёл, залуусын хөгжмийн боловсролыг дэмжин “ Summer cover night” төслийг хэрэгжүүлж эхлээд байгаа билээ.
Энэ удаа Өглөөний клубын залуус монголын ирээдүй бяцхан үрсийнхээ төлөө хүчирхийллийн эсрэг нэгдэж, эцэг, эхчүүдийн хараа хяналтыг сайжруулах, энхрий бяцхан үрсдээ цаг гаргаж, эцэг, эх байх үүргээ нэртэй төртэй биелүүлэхийг үе тэнгийн залуус, эцэг эхчүүдэд уриалахын зэрэгцээ төрөөс хүүхэд хамгааллын асуудал онцгой анхаарч ажиллах зэрэг асуудалд дуу хоолойгоо хүргэхээр БИД ХҮҮХДЭЭ ХАМГААЛЖ ЧАДНА “ тайван жагсаалыг зохион байгуулахаар болжээ.
“Бид хүүхдээ хамгаалж чадна” хүчирхийллийн эсрэг тайван жагсаал 5 сарын 10 ны өдрийн 11 цагт Батмөнх даян хааны талбайд болох бөгөөд гэрэлт ирээдүй болсон бяцхан үрсээ хүчирхийлэлгүй нийгэмд амьдруулахын төлөөх хүн бүрийг энэхүү жагсаалд идэвхтэй оролцохыг уриалж байна.