Өмнөговь аймаг 2019 оныг Соёлыг дэмжих жил болгон зарласантай холбогдуулан аймгийн ЗДТГ-аас өрх гэр бүл, байгууллага хамт олон, баг, сумын түвшинд ном уншлагыг нэмэгдүүлэх, хүүхэд багачуудыг номтой нөхөрлүүлэх, номоор дамжуулан эх түүх, ёс заншлаа өвлүүлэх, иргэдийн соёлын түвшинг нэмэгдүүлэх зорилгоор “Бид ном уншдаг аймаг” аяныг зарласан юм. Энэхүү аяны хүрээнд аймагтаа анхдагч нь болж Улсын тэргүүний “Эрдмийн гэгэ” сургуулийн хамт олон өөрсдийн хөрөнгөөр нээлттэй номын санг байгуулж өнөөдөр буюу 5 сарын 8 ны нээлтээ хийлээ.Энэхүү номын сан байнгын нээлттэй байх бөгөөд багш, ажилчид, сурагчид хүссэн үедээ дуртай номоо сонгон авч унших боломжтой ая тухтай орчинг бүрдүүлснээрээ онцлог юм. Тус номын сангийн номын фондыг багш, сурагчид, эцэг эхчүүд, тус сургуулийн төгсөгчдийн хандиваар бүрдүүлжээ.
Дашрамд дурьдахад Соёлыг дэмжих жилийн хүрээнд “Эрдмийн гэгээ” сургуулийн авьяаслаг багш, сурагчид хамтран зохиолч, найруулагч Г.Амартүвшингийн “Эрдмийн гэгээн нууц” мюзикл жүжиг бэлтгэн энэ сарын 10 нд үзэгчид түмэндээ толилуулахаар болжээ. Шинэ бүхнийг санаачлагч Улсын тэргүүнийн “Эрдмийн гэгээ” сургуулийн удирдлага, багш, сурагчдад амжилтын дээдийг хүсье.
